تكرار دواير

من ساعة ما بنتولد بنلف في دواير مقفوله محكومه مربوطه بمليون رابط..نخرج من دايره صغيره لأكبر و أكبر و القيود تكتر..كل الناس ماشيه في نفس الأستمبات نفس المحاور نفس الأفكار نفس السلوك العادات الإختيارات..

حياه مجرده مسطحه بتبص في وشوش الناس بتقرأ نفس القصه قصة الجدود الأجيال اللي فاتت و اللي جايه..قصة حد تاني في مكان تاني..الأسعار زادت..الأكل غلي نفس محاور الدايره..و لو غني تدخل في دايرة الماده المجرده أشتري الحاجه الجديده و بعدين تزهق و تجيب فلوس تشتري قصر عربيه اخر موديل...دايرة الجواز و المسؤوليه الأطفال التربيه الجامعه الجواز الأحفاد..خريج جديد تدخل في دايرة الوظيفه في شركه كبيره..مش لاقي نفسك مش في شغلك امكانياتك و طموحك اكبر من السجن اللي كابت كيانك..

.وبعدين ؟!...

كلها مجردات ماديه نفس الشكل في كل مكان كل الناس بتعمل نفس الحاجه في مضمونها بإختلاف الشكل الخارجي..

وبعدين ؟!!....اكيد ربنا مخلقناش عشان نكرر بعض بنفس التفاصيل ساعات بحس ان الدنيا طابقه على نفسي مش حاساها ولا عاوزاها ببص للناس و لنفسي نظره مجرده..كله مسطحات ..نفس القوالب و نفس الدواير و انا برضه بلف فيها بس الرفض جوايا اكبر من المحاور و الروابط..عايزه أكسر الدواير مش عارفه..هيه نفس الأستمبات...